"ბარსელონასთან" თამაშის წინ, ალეგრიმ ფეხბურთელებს სთხოვა არ დაპანიკდნენ

ტურინის "იუვენტისის" მთავარმა მწვრთნელმა, მასიმილიანო ალეგრიმ, ჩემპიონთა ლიგაზე "ბარსელონასთან" გასამართი მატჩის წინ სპეციალური შეკრება გამართა და ფეხბურთელებს მიმართა.

La Gazzetta dello Sport-ის ინფორმაციით, ალეგრიმ გუნდის შეკრება მას შემდეგ გადაწყვიტა, რაც მისმა გუნდმა, სერია A-ში, "სამპდორიასთან" 2:3 წააგო.

წყაროს ცნობით, 50 წლის სპეციალისტმა ფეხბურთელებს კონცენტრირებისკენ და თამაშის სურვილის წარმოჩენისკენ მოუწოდა. მან მოთამაშეებს სთხოვა, "ბარსელონასთან" თამაშის დროს არ დაპანიკდნენ, როგორც ეს "სამპდორიასთნ" მატჩში მოხდა.