"ინტერმა" შკრინიარის 60-65 მილიონად გაყიდვაზე უარი თქვა

მილანის "ინტერის" მცველის, მილან შკრინიარის აგენტი, კარლოს სკონტო აცხადებს, რომ "ნერაძურიმ" "ბარსელონას" ერთ-ერთი სამიზნის 60-65 მილიონ ევროდ გაყიდვაზე უარი განაცხადა.

ცნობილია, რომ 22 წლის ცენტრალური მცველის შეძენით "ბარსელონა", "მანჩესტერი სიტი", "მანჩესტერ იუნაიტედი" და მადრიდის "რეალი" იყვნენ დაინტერესებულნი. აგენტის თქმით, ერთ-ერთი მათგანი მზად იყო ფეხბურთელში დიდძალი თანხაც გადაეხადა.

"არ მინდა დავაკონკრეტო, მაგრამ ამ კლუბებიდან ერთ-ერთმა 60-65 მილიონიანი შეთავაზება გააკეთა. ჩვენ არაფერი მოვიმოქმედეთ, რადგან ვიცოდით, რომ ეს უსარგებლო იქნებოდა. "ინტერი" მილანს ზამთარში არ გაყიდის. ზაფხულში კი სავსებით სხვაგვარი სიტუაცია იქნება." - ციტირებს სკონტოს სიტყვებს Sport.sk.