კრუიფი: ”მესი ახლა უკეთ თამაშობს, ვიდრე შარშან”

ესპანური ”ბარსელონას” ყოფილმა ფეხბურთელმა და მწვრთნელმა, იოჰან კრუიფმა საქებარი სიტყვები არ დაიშურა ლიონელ მესის მიმართ, გვამცნობს მადრიდული "MARCA".

ცნობილი ”მფრინავი ჰოლანდიელის” სიტყვებით არგენტინის ეროვნული ნაკრების ათიანი ამ სეზონში შესანიშნავ თამაშს გვიჩვენებს. ”მესი ახლა თამაშობს უკეთეს ფეხბურთს, ვიდრე შარშან, მაშინ როცა მან მოიგო ”ოქროს ბურთი”. ”ბარსელონას” მატჩებს თუ ვუყურებთ დავინახავთ, რომ როცა მესის გოლი ვერ გააქვს აკეთებს საგოლე გადაცემებს. სწორედ აქ ჩნდება თუ როგორი პოტენციალის მქონეა ფეხბურთელი” - კატალონიის ნაკრების მთავარი მწვრთნელის, იოჰან კრუიფის კომენტარის ციტირებას მადრიდული ”MARCA” ახდენს.