რა უპასუხა პეპ გვარდიოლამ ჟურნალისტებს მესი-ბენზემას შედარებაზე

"მანჩესტერ სიტის" მთავარ მწვრთნელს, პეპ გვარდიოლას ჟურნალისტმა ჰკითხა, თვლის თუ არა, რომ ქარიმ ბენზემა ლეო მესის დონეზეა, რაზეც მან ბრწყინვალე პასუხი გასცა.

"ბენზემა ექსტრაორდინალური ფეხბურთელია, მაგრამ დაახლოებით 20 მოთამაშეზე დღემდე მეკითხებიან, არიან თუ არა მესის დონეზე, - ოც მოთამაშეზე! ქარიმი კი ამ სიას ახლა მიემატება", - ციტირებს "ბარსელონას" ყოფილი თავკაცის სიტყვებს Marca.

მოგეხსენებათ, არგენტინელი ლეგენდა და პეპი კატალონიურ გრანდში ერთად 2008-2012 წლებში საოცრად მუშაობდნენ, რა დროის განმავლობაშიც დაუვიწყარი ტრიპლეტი იზეიმეს. შესაბამისად, მოულოდნელი არაა, რომ 49 წლის სპეციალისტი "ლა პულგას" აღმერთებს.