რონალდ კუმანის პრესკონფერენცია სელტასთან მატჩის წინ
"ბარსელონას" მთავარმა მწვრთნელმა რონალდ კუმანმა "სელტასთან" ხვალ გასამართი მატჩის წინ პრესკონფერენცია გამართა.
მნიშვნელოვანია გჯეროდეს, გააგრძელო და შეეცადო დარჩენილი ყველა თამაშის მოგებას. ვიცით, რომ ეს ძალიან რთულია, მაგრამ წინსვლა უნდა გავაგრძელოთ.
ლაპორტსთან შეხვედრაზე ბევრს ვერაფერს ვიტყვი. რა თქმა უნდა, ვისაუბრეთ ბოლოდროინდელ შედეგებზე, გუნდის მდგობარებაზე და შევთანხმდით, რომ ყველაფერს შევაფასებთ, როდესაც სეზონი დასრულდება.
ჩემთვის მნიშვნელოვანია მთელი სეზონის ანალიზირება. ყველაფერს გადავაფასებთ, რაც სეზონის განმავლობაში განხორციელდა.
შემიძლია და მინდა, რომ "ბარსაში" დავრჩე, თუ კლუბის სრული ნდობა მექნება. ამაზე სეზონის შემდეგ ვისაუბრებთ. საუბრის დრო იქნება. დარჩენა მინდა. ბედნიერი ვარ. ვხედავ, რომ გასახდელში რაღაცები გაუმჯობესდა. სწორ გზაზე ვდგავართ, რომელიც ამ წელს არ დასრულდება.
ჩემი აზრით, ამ სეზონში ბევრი კარგი რამ მოხდა. იმის თქმა, რომ ყველაფერი შესანიშნავად იყო და 2 კვირის შემდეგ ყველაფერი გაუარესდა, ვფიქრობ, სამართლიანი არაა.
არ ვფიქრობ იმაზე, თუ რა მოხდება. ახლა შევთანმხდით იმაზე, რომ ვისაუბრებთ, როცა სეზონი დასრულდება. ამის შემდეგ ამ კითხვაზე პასუხის გაცემას შევძლებ.
ვგრძნობ, რომ გასახდელი მხარს მიჭერს. ეს ყოველთვის რთული საკითხია, რადგან გუნდში ზოგი ფეხბურთელი ბევრს თამაშობის, ზოგი - არა. ყოველთვის ვცდილობ, ჩემი ყველა მოქმედება აშკარა იყოს. ვესაუბრები ფეხბურთელებს, ვიღებ გადაწყვეტილებას და ვფიქრობ კლუბზე.
მინგესას ხვალ "ბარსა ბ-ში" თამაშის ნება დავრთე. ვფიქრობ, მადლობა უნდა გადავუხადოთ ოსკარს, რადგან მას სურს, თანაგუნდელების სეგუნდა დივიზიონში დაწინაურებაში დაეხმაროს. ამას უნდა ვაფასებდეთ.
ჯერჯერობით ახლა იმაზე საუბრის დრო არაა, რომელი პოზიციების გაძლიერება გვინდა მომდევნო სეზონისთვის. ფეხბურთელებს პატივი უნდა ვცეთ. როდესაც სეზონი დასრულდება, ვისაუბრებთ. ახლა გამარჯვება გვინდა.
გუნდს მომავალი აქვს. თუ ჩვენ შევძლებთ იმ ფეხბურთელების გაფორმებას, რომლებსაც ვფიქრობთ, გულშემატკივრები მომდევნო წლის შემადგენლობით კმაყოფილები იქნებიან.
"მანჩესტერ სიტისთან" ერთად ვართ ის გუნდი, რომელიც ყველაზე მეტ საგოლე მომენტს ქმნის. მართალია, რომ რაღაცები გასაუმჯობესებელი არის, მაგალითად, ნახევარმცველების ეფექტურობა.
ანსუ ფატი გვაკლია.
ქალთა გუნდი? მათ საგრძნობლად მოუმატეს. რამდენიმე თამაში ვნახე და ვფიქრობ, ისინი სწორ გზაზე დგანან. ჩემპიონთა ლიგის მოგება მნიშვნელოვანია გუნდისა და კლუბისთვის. მათ ვეტყოდი, რომ ისიამოვნონ და მოიგონ.
ბოლო 2 კვირაში ვგრძნობდი, რომ ცოტა არასათანადოდ მეპყრობოდნენ. მთელი სეზონი უნდა გაანალიზო. არ ვეთანხმები იმას, რასაც პრესაში ამბობენ, რომ სეზონის განმავლობაში ცუდად ვმოქმედებდით.
ამ სიახლეზე კომენტარები გათიშულია.
კომენტარები [ 12 ]