ლაპორტას პირველი არჩევანი ჩავი არ არის | MD

კატალონიის "ბარსელონას" პრეზიდენტი, ჟოან ლაპორტა კლუბისათვის პოტენციური ახალი მწვრთნელების სიას ადგენს.

Mundo Deportivo-ს ცნობით, ჟოანი პირველ ვარიანტად ჩავი ერნანდესს არ განიხილავს.

მოგეხსენებათ, რომ ესპანელ "ახალბედა" სპეციალისტს ბოლო პერიოდში "ბლაუგრანას" ხშირად უკავშირებდნენ. თავად ჩავიმაც "ბარსას" გაწვრთნის სურვილი არაერთხელ გამოთქვა, თუმცა, როგორც ჩანს, ჯერ ამის დრო არ არის.

აღსანიშნავია ისიც, რომ ერნანდესმა ცოტა ხნის წინ "ალ სადთან" კონტრაქტი 2 წლით გაახანგრძლივა. შესაბამისად, მისი ახლა "ბარსელონაში" მოსვლის საკითხი ბევრ კითხვის ნიშანს აჩენს.