დემბელე: ბარსასთან კონტრაქტის გახანგრძლივება? ვნახოთ, რა მოხდება

"ბარსელონასთან" ხელშეკრულების გახანგრძლივება? არ ვიცი. ვნახოთ, რა მოხდება. "ბარსას" ხელმძღვანელობას შევხვდებით. ჯერ დრო მაქვს. არც მე მეჩქარება და არც მათ. ვნახოთ, როგორ განვითარდება მოვლენები.

პირველ რიგში, სრულად კონცენტირებული ვარ ევროპის ჩემპიონატზე, რის შემდეგაც შვებულებაში წავალ. ეს ხანგრძლივი სეზონია.

მესი? ჩვენ ერთმანეთს ძალიან კარგად ვეწყობით. გასახდელში მის გვერდით ვარ. ის კარგი ადამიანი, ლიდერი, გახსნილი, ხშირად მოსაუბრე პიროვნებაა. ლეოს პირველივე დღიდან ძალიან კარგად ვეწყობი.

ჩემთვის მასთან თამაში ზეწოლა არაა. იგი მოედანზე უამრავ რჩევას მაძლევს. ის ყოველთვის მეუბნება, რომ მეტოქის პროვოცირება მოვახდინო, დავარტყა, დრიბლინგი შევასრულო. მესი ყოველთვის ისეთ პოზიციას ირჩევს, რომ პასი მივცე.

ევროპის ჩემპიონატი გასულ წელს რომ გამართულიყო, გამოვტოვებდი... მთელი სეზონის განმავლობაში ტრავმირებული ვიყავი. მას შემდეგ, რაც ევროპის ჩემპიონატი გადაიდო, დროულად გამოსაჯანმრთელებლად ყველაფერი გავაკეთე.

ნაკრებში გამოძახების შემდეგ, მწვრთნელის ნდობა მოვიპოვე. მან მარტში გამომიძახა, ახლა კი ევროპის ჩემპიონატის განაცხადში ვარ. ძალიან ბედნიერი ვარ.

ჩემს თავს ვეუბნები, რომ თამაშის, მოედანზე გასვლისა და გუნდის დახმარების შანსი მექნება. მწვრთნელი გვეუბნება, რომ ყოველთვის მზად ვიყოთ.