MD: ბარსელონამ მორიბას საბოლოო ვადად 8 აგვისტო განუსაზღვრა

Mundo Deportivo-ს ცნობით, "ბარსელონამ" ილაიშ მორიბას წარმომადგენლებს ულტიმატუმი წაუყენა.

გამოცემა წერს, რომ "ბარსელონამ" ფეხბურთელის მხარეს აცნობა, რომ იმ შემთხვევაში თუ ისინი კლუბის მიერ გაკეთებულ ბოლო შეთავაზებას არ მიიღებენ, კლუბი მოლაპარაკებებს დასრულებულად ჩათვლის - პასუხის ბოლო ვადად 8 აგვისტო განისაზღვრა.

"ბარსელონამ", ფეხბურთელის მოთხოვნის შესაბამისად, კონტრაქტის ხანგრძლივობა 5-დან 3 წლამდე შეამცირა. მორიბას აგენტები კლუბისთვის მათი გადაწყვეტილების შეტყობინებას არ ჩქარობდნენ, რამაც კლუბის ხელმძღვანელების უკმაყოფილება გამოიწვია. ამიტომაც, კლუბმა მორიბას საკითხის საბოლოოდ გარკვევა მიმდინარე კვირაში გადაწყვიტა.

ამჟამად, 18 წლის ფეხბურთელი პირველი გუნდისგან იზოლირებულია. იგი "ბარსა B-სთან" ერთად ვარჯიშობს, თუმცა თამაშის საშუალება არც სარეზერვო გუნდის რიგებში ეძლევა.