ოფიციალურად: ალექსია პუტელიასს 10-12 თვე გაუცდება

"ბარსელონას" ქალთა გუნდის კაპიტანი ალექსია პუტელიასი "ბლაუგრანას" დაახლოებით ერთი წლით გამოაკლდა.

პუტელიასმა ჯვარედინი იოგების ტრავმა 5 ივლისს, ევროპის ჩემპიონატის დაწყების წინა დღეს მიიღო. ცნობილი იყო, რომ მას რამდენიმე თვე გაუცდებოდა. გუშინ ალექსიას ოპერაცია ჩაუტარდა, დღეს კი "ბარსამ" ოფიციალური ინფორმაცია გაავრცელა და ცნობილი გახდა, რომ პუტელიასს 10-12 თვე გაუცდება.

ეს ნიშნავს, რომ ყველაზე კარგ შემთხვევაში ალექსია გუნდს 2022/23 წლების სეზონის მიწურულს, მარტის მე-2 ნახევარში დაუბრუნდება.

ალექსია პუტელიასი არა მხოლოდ "ბარსელონას", არამედ მსოფლიოს საუკეთესო ფეხბურთელია. სწორედ ისაა "ოქროს ბურთის" მოქმედი გამარჯვებული.