9 თებერვალი

1975 წლის 9 თებერვალს, "მალაგასთან" გამართულ გასვლით შეხვედრაში, მთავარმა არბიტრმა იოჰან კრუიფი მოედნიდან იმის გამო გააძევა, რომ ჰოლანდიელი მას გვერდით მსაჯთან კონსულტაციის გავლას ურჩევდა. საქმე ისაა, რომ "ბარსელონას" კარში გატანილი გოლის დროს, გვერდითმა არბიტრმა თამაშგარე მდგომარეობა დააფიქსირა. გაძევების შემდეგ, კრუიფმა მოედნის დატოვებაზე უარი განაცხადა და საქმეში პოლიციის ჩართვა გახდა საჭირო. კატალონიელებმა თამაში 2:3 წააგეს. ცნობისთვის, პირველ წრეში, "ბარსას" "მალაგა" 5:0 ჰყავდა დამარცხებული.