L'Equipe: "დიდი ტყუილი"

იმის მიუხედავად, რომ ნეიმარის "ბარსელონაში" დაბრუნებაზე ბევრი ჭორი გავრცელდა, ბრაზილიელმა "პარი სენ-ჟერმენის" ახალი ფორმის წარდგენაში მაინც მიიღო მონაწილეობა და ის შემდეგ კვირას, პარიზულ კლუბს შეუერთდება.

თუმცა, ფრანგული გამოცემა, L'Equipe-ი ამ ყველაფერს "დიდ ტყუილს" ("Le grand bluff" - 90-იანი წლების ფრანგული სერიალი. ითარგმნება, როგორც: "დიდი ბლეფი", "დიდი ტყუილი") უწოდებს. მათი ცნობით, ეს იმას არ ნიშნავს, რომ ნეიმარი პარიზულ კლუბში დარჩება.

გამოცემა ნეიმარის სიტუაციას "შეუქცევადს" უწოდებს. ის პსჟ-ში ბედნიერი არ არის და კლუბის დატოვება მკაცრად აქვს გადაწყვეტილი. თუმცა, არსებობს იმის შესაძლებლობა, რომ პარიზულმა კლუბმა ისეთ ხერხს მიმართოს, როგორიც რაბიოს შემთხვევაში გააკეთა.