მესი: ”რეკორდების წიგნში მოხვედრაზე არ ვფიქრობ”

”ბარსელონას” თავდამსხმელმა, ლეო მესიმ საკუთარი აზრი გაგვიზიარა სესარ როდრიგესის რეკორდის მოხსნის შესაძლებლობაზე კატალონიურ კლუბში გატანილი გოლების რაოდენობით.

”მე მსურს სესარ როდრიგესის რეკორდის მოხსნა, მაგრამ მხოლოდ იმიტომ, რომ მსურს ჩემს გუნდთან ერთად რაც შეიძლება მეტი გოლი გავიტანო. ეს კარგია გუნდისთვის. ჩვენ მაქსიმალური რაოდენობის ტიტულების მოგება გვსურს. მე არ ვფქრობს რეკორდების წიგნში მოხვედრაზე. ამ რეკორდის მიმდინარე სეზონში დამხობის აუცილებლობა არ არის. თუკი ასეთი რამ მაინც მოხდება მიმდინარე სეზონში ძალიან გამიხარდება. თუკი ვერ შევძლებ ამ რეკორდის მოხსნას ძილი არ დამეკარგება” - განაცხადა მესიმ.

შეგახსენებთ, რომ სესარ როდრიგესს ”ბარსას” რიგებში 235 გოლი აქვს გატანილი. ლეო მესის კი 203.