ფაბრეგასი: "რეალი" არ დაკარგავს ქულებს"

ესპანეთის ეროვნული ნაკრებისა და კატალონიის "ბარსელონას" ფეხბურთელი, ფრანსესკ ფაბრეგასი, დარწმუნებულია, რომ მადრიდის "რეალი" პირველ "ელ კლასიკომდე" ქულებს არ დაკარგავს. იტყობინება გავლენიანი ესპანური გამოცემა "მარკა".

შეგახსენებთ, რომ "თეთრებმა" ზედიზედ 8 შეხვედრა მოიგეს და ამჟამად ლიდერობენ ეროვნული ჩემპიონატის ცხრილს. "ბარსელონას" ჩამორჩენა პირველადგილოსანთან 3 ქულაა.

"დარწმუნებული ვარ, რომ ისინი ქულებს არ დაკარგავენ". აცხადებს "არსენალის" ყოფილი ჰავბეკი. "ბოლომდე გავიარე თუ არა ადაპტაცია "ბარსაში"? რა თქმა უნდა, მე ხომ მთელი ცხოვრება აქ ვთამაშობდი. ასეც რომ არ იყოს, ჩავი თავისი პოზიციიდან ძალიან ბევრ რჩევას მაძლევს, რაც მადგება თამაშისას". დაასრულა სესკმა.