"ბარსა" - ლეგენდის გულში

წიგნი, რომელიც დაიბეჭდა კატალონიურ, ესპანურ და ინგლისურ ენებზე, ხუთშაბათიდან გაყიდვაში გაეშვება. გაყიდვებიდან მიღებული შემოსავლის 10% კი "ბარსელონას" ფონდში გადაირიცხება.

წიგნი მკითხველს ქრონოლოგიური თანმიმდევრობით მოუთხრობს "ბარსას" 2010/11 სეზონისა და 2011/12 სეზონის დასაწყისის შესახებ. წიგნში მოცემულია გუნდის ყველაზე გამორჩეული მომენტების ამსახველი ფოტომასალა, ასევე განხილულია ოთხი გამორჩეული მატჩი მადრიდის "რეალთან", ექსტრაორდინალური გამარჯვება "მანჩესტერ იუნაიტედთან" ჩემპიონთა ლიგის ფინალში, ასევე ესპანეთის სუპერთასისა და ევროპის სუპერთასის მოვლენები.

წიგნში სათითაოდაა განხლული "ოქროს ბურთის" ნომინანტები, ასევე გუნდის ახალწვეულები, პეპ გვარდიოლას 40 წლის იუბილესთან დაკავშირებით მოწყობილი სურპრიზი და სხვა მრავალი მოვლენა.