ზაფხულში შესაძლოა, "ბარსელონა" ბრაზილიას ეწვიოს

ბრაზილიური გამოცემა Lance იუწყება, რომ მიმდინარე ზაფხულს "ბარსელონამ" შესაძლოა, მონაწილეობა მიიღოს ბრაზილიში გასამართ ამხანაგურ ტურნირში. წინასწარი ინფორმაციით ტურნირი შესაძლოა, შედგე 27 ივლისიდან 12 აგვისტოს შუალედში. მონაწილეთა შორის "ბარსელონას" გარდა სახელდებიან ისეთი კლუბები, როგორებიცაა "კორინთიასი", რონალდიონიოს "ფლამენგო" და ასევე მეოთხე გუნდი, რომლის ვინაობა ჯერ-ჯერობით არ არის დადგენილი.

ბრაზილია არ არის ის ერთადერთი სამხრეთ ამერიკული ქვეყანა, რომელსაც ვარსკვლავთა გუნდის ხილვა სურთ. "ბარსელონასთან" ამახანაგური მატჩების გამართვაზე ინტერესს იჩენენ პერუსა და კოლუმბიაშიც.