მესი "პეპსის" ახალ სარეკლამო კამპანიაში

ლეო მესიმ, რომელსაც ახალი წლის შემდეგ ერთგვარი კრიტიკა დაატყდა თავს, ყველა დაადუმა. "ვალენსიას" კარში გატანილი ოთხი გოლი და ერთი საგოლე გადაცემა სავსებით საკმარისი აღმოჩნდა იმის დასამტკიცებლად, რომ ლეო კვლავ ფორმაშია და მისგან ყველაფერია მოსალოდნელი.

მსოფლიოს სამგზის საუკეთესო ფეხბურთელი უკვე არაერთხელ მოგვევლინა "პეპსის" სარეკლამო კამპანიებში. გამონაკლისი არც ახლაა. დიდიერ დროგბასთან, ფრანკ ლამპარდთან, ჯეკ უილშირთან, კუნ აგუეროსა და ფერნანდო ტორესთან ერთად ლეო მესი კვლავ უკეთებს "პეპსის" რეკლამას. გამოჩენილი ფეხბურთელების გვერდით დგას დ.ჯ. კალვინ ჰარისიც. სურათიდან კარგად ჩანს, რომ ლეო არჩეულია ჯგუფის ლიდერად.