პეპი: ”კონტრაქტის შესახებ უახლოეს დღეებში პრეზიდენტს შევხვდები”

პეპ გვარდიოლა უახლოეს დღეებში შეხვდება კლუბის პრეზიდენტს, სანდრო როსელს, რათა კლუბისთვის საუკეთესო გადაწყვეტილება მიიღონ.

”ბარსელონას” მთავარმა მწვრთნელმა გუშინდელ პრეს-კონფერენციაზე განაცხადა, რომ უახლოეს დღეებში შეხვდება  სანდრო როსელს, რათა გადაწყდეს, დარჩება თუ არა ის კლუბში.

”უახლოეს დღეში გადაწყდება დავრჩები თუ არა” - განაცხადა გვარდიოლამ. ”შევხვდები პრეზიდენტს და კლუბისთვის საუკეთესო გადაწყვეტილებას მივიღებთ”.

”ხვალ (დღეს. რედ) დილით მე და ტიტო ვისაუბრებთ, შემდეგ კი პრეზიდენტს შევხვდებით. ჩვენ ყველა სიტუაციას განვიხილავთ, შემდეგ კი გადაწყვეტილება კლუბზე იქნება” - დაასრულა პეპმა.