კლუივერტი: "თუ "რეალის" გაწვრთნაზე შემოთავაზებას მივიღებ უარს არ ვიტყვი"

"ბარსელონას" ყოფილმა თავდამხსმელმა, პატრიკ კლუივერტმა განაცხადა, რომ "რეალის" გაწვრთნის შემოთავაზებაზე უარს არ იტყოდა.  

"ბარსელონას" გაწვრთნა ჩემი ოცნებაა. მე ბედნიერი ვიქნები თუ ამის შესაძლებლობა მექნება, მაგრამ ჩემთვის უმთავრესი ის არის, რომ გავხდე კარგი მწვრთნელი."    

თუ მე "რეალისგან" შემოთავაზებას მივიღებ მწვრთნელის პოსტზე სამუშაოდ ჩემი პასუხი იქნებოდა "რატომაც არა?" - ციტირებს კლუივერტის სიტყვებს A Bola. 

შეგახსენებთ, რომ კლუივერტი "ბარსელონას" რიგებში 1998-2004 წლებში გამოდიოდა. ამჟამად იგი ჰოლანდიის ეროვნული ნაკრების მწვრთნელის, ლუი ვან გაალის დამხმარე მწვრთნელად მუშაობს.