ესპანეთში, ყველაზე დიდი დასწრება „კამპ ნოუს“ აქვს
მას შემდეგ, რაც ესპანეთის ჩემპიონატის პირველი წრის სტატისტიკური მონაცემები შეჯამდა, ცნობილი გახდა, რომ განვლილ 19 ტურში, ყველაზე მეტი გულშემატკივარი "ბარსელონას" საშინაო არენას, "კამპ ნოუს" ეწვია. ამ სტადიონზე გამართულ შეხვედრას, საშუალოდ, 75.738 ადამიანი ესწრებოდა.
მე-2 ადგილზე მოდის მადრიდის "რეალი". "სანტიაგო ბერნაბეუს" საშუალო მაჩვენებელი 71.864 ადამიანია. ამ მაჩვენებლით, ესპანური გრანდები მდევრებს დიდი სხვაობით უსწრებენ.
რაც შეეხება პროცენტულ მაჩვენებლებს - "გრანადა" პრიმერაში მოთამაშე ერთადერთი გუნდია, რომლის დასწრების მაჩენებელი 90%-ზე მეტია. 22.500 ადამიანის ტევადობის "ლოს კარმენესზე", საშუალოდ, 20.444 გულშემატკივარი დადის.
პროცენტულად, ყველაზე ნაკლები დასწრება "ესპანიოლსა" და "სარაგოსას" აქვთ, რომელთა სტადიონები სანახევროდაც კი არ ივსება. რაოდენობრივად, ყველაზე ცუდად საქმე "რაიო ვალიეკანოს" (საშუალოდ 9.170 ადამიანი) და "ხეტაფეს" (9.011) აქვთ.
მთელს პირველ წრეში, მხოლოდ 2-ჯერ დაფიქსირდა შემთხვევა, როდესაც სტადიონი ბოლომდე შეივსო. ეს მოხდა "გრანადა"-"ატლეტიკოსა" და "რეალი"-"ატლეტიკოს" თამაშებზე.
ბოლო დროს, ესპანეთში, სტადიონებზე დასწრებამ საგრძნობლად იკლო და ამ მხრივ, ის კიდევ უფრო ჩამორჩა გერმანიასა და ინლისს. ამ ქვეყნებში, სტადიონების უმრავლესობა, 90%-ზე მეტით არის ხოლმე შევსებული. ქვეყნებს შორის ამხელა სხვაობის უმთავრესი მიზეზი ისაა, რომ ესპანეთში, ბილეთის ფასის დაახლოებით 2-ჯერ ძვირია, ვიდრე ინგლისსა და გერმანიაში. ამას ემატება ქვეყანაში უმუშევართა დიდი რაოდენობა და ეკონომიკური კრიზისი.
როგორც ცნობილია, ცოტა ხნის წინ, ესპანეთის საფეხბურთო ლიგამ, კლუბებს უკვე მიმართა წინადადებით, რომ მოხდეს ბილეთების ფასების დაახლოებით 50%-ით შემცირება, რაც დასწრების მომატებასა და ტელევიზიებიდან შემოსავლების მატებას გამოიწვევს.
| გუნდი | დასწრება | ტევადობა | % | |
| 1 | გრანადა (ლოს კარმენესი) | 20.444 | 22.500 | 90.9 |
| 2 | რეალი (სანტიაგო ბერნაბეუ) | 71.864 | 80.000 | 89.8 |
| 3 | ატლეტიკი (სან მამესი) | 35.400 | 40.000 | 88.5 |
| 4 | მალაგა (ლა როზალედა) | 25.385 | 29.500 | 86.0 |
| 5 | ატლეტიკო (ვისენტე კალდერონი) | 44.500 | 54.581 | 81.5 |
| 6 | დეპორტივო (რიასორი) | 27.222 | 34.600 | 78.7 |
| 7 | ბარსელონა (კამპ ნოუ) | 75.738 | 98.772 | 76.7 |
| 8 | ოსასუნა (რეინო დე ნავარა) | 14.946 | 19.800 | 75.5 |
| 9 | სოსიედადი (ანოეტა) | 22.575 | 32.000 | 70.5 |
| 10 | ვალენსია (მესტალია) | 36.045 | 52.000 | 69.3 |
| 11 | ლევანტე (სიუტატ დე ვალენსია) | 16.575 | 25.354 | 65.4 |
| 12 | სევილია (სანჩეს პისხუანი) | 29.222 | 45.500 | 64.2 |
| 13 | ბეტისი (ბენიტო ვილიამარინი) | 35.121 | 55.500 | 63.3 |
| 14 | რაიო (ვალეკასი) | 9.170 | 14.708 | 62.3 |
| 15 | ვალიადოლიდი (ხოზე სორილია) | 15.853 | 26.512 | 59.8 |
| 16 | სელტა (ბალაიდოსი) | 17.779 | 30.000 | 59.3 |
| 17 | მალიორკა (იბეროსტარ ესტადი) | 12.263 | 23.142 | 53.0 |
| 18 | ხეტაფე (კოლიზეუმი) | 9.011 | 17.000 | 53.0 |
| 19 | სარაგოსა (ლა რომარედა) | 17.111 | 34.596 | 49.4 |
| 20 | ესპანიოლი (კორნელია) | 19.699 | 40.500 | 48.6 |
ამ სიახლეზე კომენტარები გათიშულია.
კომენტარები [ 0 ]