ოფიციალურად: მესის პსჟ-სთან თამაშის შანსი აქვს

ლიონელ მესის მტკივან ფეხზე ჩატარებული გამოკვლევის შემდეგ დადგინდა, რომ წინასწარი პროგნოზი ზედმეტად პესიმისტური იყო. "ბარსას" ოფიციალური ვებგვერდის ცნობით, ფეხბურთელი "მალიორკასთან" გასამართ თამაშს გამოტოვებს, ხოლო ჩემპიონთა ლიგის 1/4-ფინალის განმეორებით მატჩში მისი მოედანზე გამოჩენა იმაზე იქნება დამოკიდებული, როგორ წარიმართება ფეხბურთელის მკურნალობა.

შეგახსენებთ, რომ მესიმ ტრავმა პირველ ტაიმში მიიღო. როგორც გაირკვა, მას მარჯვენა ფეხის კუნთი ჰქონია დაზიანებული. არგენტინელმა, კუნთი ბოლო 5 წლის განმავლობაში პირველად დაიზიანა, ხოლო უკანასკნელი 7 წლის განმავლობაში პირველად მოხდა, რომ მესი შესვენებაზე შეცვალეს.