გულშემატკივრებს ძირითადში აბიდალის ხილვა სურთ

ესპანურმა ”მარკამ” მომხმარებლებში ჩაატარა გამოკითხვა, თუ ვისი ხილვა სურდათ მათ ”ბარსელონას” ძირითად შემადგენლობაში ”ბაიერნის” წინააღმდეგ.

გამოკითხვა მხოლოდ დაცვის ცენტრალურ ზონას შეეხო. გამოკითხვის შედეგებით დადგინდა, რომ უმეტესობას ძირითად შემადგენლობაში ერიკ აბიდალის ხილვა სურს. ფრანგის სასარგებლოდ ხმა 66% მისცა.

შეგახსენებთ, რომ პრიმერას 32-ე ტურში აბიდალი ძირითად შემადგენლობაში მოხვდა და 90 წუთი გაატარა მოედანზე. სამწვრთნელო შტაბი მისი თამაშით მოხიბლული დარჩა.