ფაბრეგასმა კოჭი დაიზიანა

კატალონიის "ბარსელონასა" და ესპანეთის ეროვნული ნაკრების 26 წლის ნახევარმცველმა, სესკ ფაბრეგასმა "მალაიზიასთან" გამართულ ამხანაგურ შეხვედრაში (3:1), კოჭზე დაზიანება მიიღო. იტყობინება, კლუბის ოფიციალური ტვიტერის გვერდი. 

როგორც მოსალოდნელია, უახლოეს პერიოდში ფეხბურთელი სამედიცინო გამოკვლევას ჩაიტარებს, რომელიც გაარკვევს, თუ რამდენად სერიოზულია მიღებული დაზიანება. შეგახსენებთ, რომ ფაბრეგასი ერთ-ერთი იყო, ვინც დღეს გოლი გაიტანა.