რობერტო კარლოსი: "ალბა თავის პოზიციაზე საუკეთესოა"

ბრაზილიელმა ფეხბურთელმა რობერტო კარლოსმა უპასუხა ხუან კაპდევილიას კომენტარს. ამ უკანასკნელმა განაცხადა, რომ ჟორდი ალბა სულ მალე რობერტო კარლოსეზე უკეთესი ფეხბურთელი დადგება.

ბრაზილიელმა ფეხბურთელმა, რომელმაც კარიერის მანძილზე ლა ლიგა 4-ჯერ მოიგო და ჩემპიონთა ლიგის თასს 3-ჯერ დაეპატრონა განაცხადა, რომ 24 წლის ესპანელი თავის პოზიციაზე საუკეთესოა.

"ალბა საუკეთესო მარცხენა მცველია მარსელოსთან ერთად."

"მისი საოცარად ფეთქებადი ტემპი მას საშუალებას აძლევს არაჩვეულებრივად ითამაშოს როგორც დაცვაში, ასევე თავდასხმაში."

"ის ასევე არაჩვეულებრივი გამტანია" - განაცხადა "რეალ მადრიდის" ყოფილმა ფეხბურთელმა.