გალიანი: "თუ აბიატი არ გამოჯანმრთელდა, "ბარსელონასთან" ამელია ითამაშებს"

იტალიური "მილანის" ვიცე-პრეზიდენტმა, ადრიანო გალიანიმ "უდინეზესთან" მოპოვებული გამარჯვების შემდეგ (1:0) გუნდის მეორე მეკარე, გაბრიელ ამელია შეაქო და მისი "ბარსელონას" წინააღმდეგ თამაშიც იწინასწარმეტყველა. იტყობინება, "მილანის" ოფიციალური საიტი.

"გაბრიელმა, კარგად ითამაშა მას არ გამოუჩენია შიში. ის არ შედის ჩემპიონთა ლიგის განაცხადში, რადგან იმ დროისთვის ტრავმირებული იყო და ჩვენც ვფიქრობდით, რომ ის 5 თვეს გამოტოვებდა, მაგრამ იმ შემთხვევაში, თუ აბიატიმ გამოჯანმრთელება ვერ მოახერხა "ბარსელონასთან" ამელია ითამაშებს." - განაცხადა, გალიანიმ.