„ბარსა“-„სელტიკს“ სერგეი კარასევი განსჯის

UEFA-ს გადაწყვეტილებით, ჩემპიონთა ლიგის ჯგუფური ეტაპის ბოლო ტურში, "ბარსელონასა" და "სელტიკს" შორის გასამართ შეხვედრას 34 წლის რუსი არბიტრი სერგეი კარასევი განსჯის.

კარასევს გამოცდილი მსაჯი ნამდვილად არ ეთქმის. FIFA-ს არბიტრი ის 2010 წელს გახდა. UEFA-ს ეგიდით გამართულ მატჩებში მას მონაწილეობა 26-ჯერ მიუღია. აქედან ჩემპიონთა ლიგის თამაში მხოლოდ 4 იყო.

სერგეი კარასევს არც "ბარსელონას" და არც "სელტიკის" მატჩში აქამდე არ უმსაჯია.