ჩავი: "მესისგან ძალიან ბევრს ითხოვენ"

კატალონიის "ბარსელონას" ვეტერანმა ნახევარმცველმა, ჩავი ერნანდესმა, არგენტინელ კოლეგაზე, ლიონელ მესიზე ისაუბრა. ჩავიმ აღნიშნა, რომ არგენტინელისგან ძალიან ბევრს ითხოვენ.

"მესისგან ზედმეტად ბევრს ითხოვენ. დაანებეთ მას თავი და ნება მიეცით საკუთარი საქმე შეასრულოს. რაც შეეხება "ატლეტიკთან" მატჩს, ჩვენ გამარჯვებულის ვინაობა უფრო ადრეც უნდა გამოგვევლინა. ჩვენ მაინც კარგად ვითამაშეთ. ძალიან მნიშვნელოვანი იყო სამი ქულის მოპოვება და ესპანეთის ჩემპიონატში გამარჯვების შანსის შენარჩუნება. ჩვენ გამოვავლინეთ ჩვენი თვისებები." - განაცხადა, ჩავიმ.