„ბარსა ბ“-ს სტადიონს სახელი ტიტო ვილანოვას საპატივცემულოდ დაერქმევა

თუ კატალონიურ El Mundo Deportivo-ს დავუჯერებთ, "ბარსელონას" ხელმძღვანელობა კლუბის ახალგაზრდული გუნდის ახალი სტადიონისთვის ტიტო ვილანოვას სახელის დარქმევას აპირებს.

"ბარსა ბ"-ს საშინაო არენის რეკონსტრუქცია აქამდეც გადაწყვეტილი იყო. ცნობილია, რომ ახალი სტადიონი დაახლოებით 6 ათას მაყურებელს დაიტევს და ის მზად 2016-17 წლების სეზონის სტარტისთვის იქნება.

კატალონიელი ჟურნალისტების ცნობით, "ბარსას" ხელმძღვანელობა ახალი არენისთვის გუნდის ყოფილი მთავარი მწვრთნელის, ტიტო ვილანოვას სახელის დარქმევაზე ფიქრობს. შეგახსენებთ, რომ ვილანოვა, რამდენიმე დღის წინ გარდაიცვალა.