„ბარსელონა“ სეზონს 4 კაპიტნით დაიწყებს

"ბარსელონამ" კაპიტნებთან დაკავშირებული საკითხი მოაგვარა. გუნდი ახალ სეზონს 4 კაპიტნით დაიწყებს.

ამ ზაფხულს, გუნდი დატოვა მთავარმა კაპიტანმა, კარლეს პუიოლმა, რომელმაც კარიერა დაასრულა. ასევე, კატალონიელები გამოემშვიდობნენ მეორე ვეტერანს, ვიქტორ ვალდესს.

ახალ სეზონში, "ლურჯ-ბროწეულისფერების" მთავარი კაპიტანი ჩავი იქნება, ვიცე-კაპიტანი ანდრეს ინიესტა, ბუსკეტსი და მესი კი შესაბამისად მესამე და მეოთხე კაპიტნები იქნებიან.