რონალდინიო მექსიკურ "კერეტაროში" გადავიდა

"ბარსელონას" ლეგენდა რონალდინიო გაუჩო კარიერას მექსიკურ "კერეტაროში" განაგრძობს. 34 წლის ბრაზილიელმა თავდამსხმელმა მექსიკის უმაღლეს ლიგაში მოთამაშე გუნდთან 2-წლიანი კონტრაქტი გააფორმა.

რონალდინიო "ბარსელონაში" 2003-2008 წლებში თამაშობდა. ბრაზილიელმა ვარსკვლავმა 207 თამაში ჩაატარა, 94 გოლი გაიტანა და 69 საგოლე გადაცემა გააკეთა. მან, "ბარსელონასთან" ერთად, ორ-ორჯერ ლა ლიგა და ესპანეთის სუპერთასი, ხოლო ერთხელ ჩემპიონთა ლიგა მოიგო.

"ბარსელონადან" წასვლის შემდეგ რონალდინიო "მილანში", "ფლამენგოსა" და "ატლეტიკო მინეიროში" თამაშობდა.