ლუის ენრიკე: "იდეალური იქნებოდა, "რეალს" 0 ქულა რომ ჰქონდეს"

"ბარსელონას" მთავარი მწვრთნელი ლუის ენრიკე, "სანტიაგო ბერნაბეუზე" გასამართი "ელ კლასიკოს" წინ, მიიჩნევს, რომ 4 ქულით წინ ყოფნა დიდი უპირატესობა არაა.

"ძალების დღევანდელ გადანაწილებას იდეალურს ვერ ვუწოდებდი. იდეალური იქნებოდა, "ბარსელონას" ქულათა მაქსიმალური რაოდენობა რომ ჰქონდეს, ხოლო "რეალს" - 0 ქულა. ნებისმიერ შემთხვევაში, ქულებში განსხვავება გადამწყვეტი ფაქტორი არაა. "სანტიაგო ბერნაბეუს" ერთადერთი მიზნით, გამარჯვებისთვის ვეწვევით, როგორც ამას ყოველთვის ვაკეთებთ. გვინდა, ამ თამაშში საუკეთესოები ვიყოთ." - განაცხადა ლუის ენრიკემ.