ბუსკეტსი მატჩის შემდეგ

კატალონიის "ბარსელონას" ესპანელმა ფეხბურთელმა, სერხიო ბუსკეტსმა ლა ლიგის XIII ტურში "ვალენსიასთან" დაძაბულ ბრძოლაში მოპოვებული გამარჯვების შემდეგ კომენტარი გააკეთა. შეგახსენებთ, რომ შეხვედრაში გამარჯვების გოლი სწორედ ბუსკეტსმა გაიტანა. 

"ვიცოდით, რომ შეხვედრა არც თუ ისე ადვილი იქნებოდა. მიმდინარე წელს "ვალენსია" კარგად გამოიყურება ისინი ენთუზიაზმით სავსენი არიან, ჰყავთ ახალი მწვრთნელი და მოთამაშეები. ჩვენ გაგვიმართლდა და გოლი უკანასკნელ წამებზე გავიტანეთ, მაგრამ ჩვენ მატჩის ბოლომდე ვცდილობდით ამის გაკეთებას." - განაცხადა, ბუსკეტსმა.