ხავიერ გარსია: "ჩვენი გამარჯვება "ბარსელონასთან" სამართლიანია"

"მალაგას" მთავარმა მწვრთნელმა, ხავიერ გარსიამ ლა ლიგის 24-ე ტურში "ბარსელონასთან" გამარჯვების შემდეგ კომენტარი გააკეთა. იტყობინება, As.

"შედეგი, რომელსაც ჩვენ მივაღწიეთ - სამართლიანია. გამარჯვება, ეს ჩვენი დამსახურებაა და ეს გუნდის ძლიერი ძალისხმევის შედეგად მივიღეთ. თავიდანვე ვიცოდით, რომ ბურთის ფლობა მეტოქის სასარგებლოდ იქნებოდა. ჩვენ მომენტი გამოვიყენეთ. შემდეგ კი დაცვაში ვითამაშეთ კარგად. "ბარსელონას" დასამარცხებლად ბევრი სამუშაოა საჭირო, ითამაშო ძლიერად დაცვაში და მოძებნო შანსი გადახვიდე კონტრშეტევაზე." - განაცხადა, გარსიამ.