"პორტუმ" "სპორტინგი" ტელიოს ჰეთ თრიქით დაამარცხა

პორტუგალიის ჩემპიონატის 23-ე ტურში, "პორტუმ" "სპორტინგი" 3:0 გაანადგურა, რასაც ლოპეტეგის გუნდი "ბარსელონას" საკუთრებაში მყოფ კრისტიან ტელიოს უნდა უმადლოდეს.

"ბარსელონამ" ტელიო "პორტუში" გასულ ზაფხულში გაანათხოვრა. 23 წლის თავდამსხმელს, პორტუგალიის ჩემპიონატის 20 თამაშში მხოლოდ 2 გოლი ჰქონდა გატანილი, მაგრამ "სპორტინგთან" მატჩში მან თავი 3-ჯერ გამოიჩინა. ტელიომ გოლები 31-ე, 58-ე და 82-ე წუთებზე გაიტანა.