ბენატია: "ბარსას" შეტევის მიმართ პატივისცემის გამოვლენას არ ვაპირებ"

მიუნხენის "ბაიერნის" ცენტრალური მცველი მეჰდი ბენატია ჩემპიონთა ლიგის 1/2-ფინალში "ბარსელონასთან" გასამართი მატჩის წინ კომენტარს აკეთებს და აცხადებს, რომ ის კატალონიური გუნდის შეტევას არ უფრთხის.

"სუარესის წინააღმდეგ, ევროპა ლიგაზე, უკვე მითამაშია. მესისა და ნეიმარის წინააღმდეგ თამაშის გამოცდილება არ მაქვს, მაგრამ ყველაფერი ოდესმე პირველად ხდება.

პიროვნულ დონეზე მათ პატივს ვცემ. მაგრამ 90 წუთის განმავლობაში მათ მიმართ არანაირი პატივისცემის გამოვლენას არ ვაპირებ.

ჩემპიონთა ლიგის ფინალში გასასვლელად ყველაფერს ვიღონებთ. დარწმუნებული ვარ, "კამპ ნოუზე" კარგი შედეგის ჩვენება შეგვიძლია."