დაბადების დღეს გილოცავთ, ანდრეს!

ზუსტად 31 წლის წინ, 1984 წლის 11 მაისს, ესპანეთის ქალაქ ფუენტეალბილში დაიბადა "ბარსელონას" ამჟამინდელი ნახევარმცველი ანდრეს ინიესტა.

ინიესტა კატალონიური კლუბის აღზრდილია. იგი "ბარსელონა ბ"-ში 2001-03 წლებში თამაშობდა, რის შემდეგაც ოფიციალურად პირველი გუნდის წევრი გახდა. ამ დროის განმავლობაში მან უამრავი ტიტული მოიგო, როგორც გუნდური, ისე ინდივიდუალური.

დღეს, "ბარსელონასა" და ესპანეთის ეროვნული ნაკრების ერთ-ერთი ლეგენდარული ფეხბურთელი 31 წლის გახდა. მინდა, მას საიტის სახელით, პირველ რიგში, ჯანმრთელობა, ბედნიერება ვუსურვო და მიუხედავად ასაკისა, კატალონიურ კლუბში კიდევ მრავალი წარმატებული წლის გატარება.