ვალდანო: "მესი ათამაშდა და "ბარსამ" ტიტულების მოგება დაიწყო"

მადრიდის "რეალის" ყოფილი ფეხბურთელი, მთავარი მწვრთნელი და სპორტული დირექტორი ხორხე ვალდანო მიიჩნევს, რომ "ბარსელონას" წარმატების მთავარი მიზეზი ლეო მესის ჩვეულ დონეზე ათამაშებაა.

"მესიმ "ბარსელონა" ხელახლა დაიპყრო. მისი პულსი გუნდს რიტმს აძლევს. არ ვიცით, რატომ ჰქონდა წინა სეზონში ლეოს ჩავარდნა, რის გამოც "ბარსელონა" დაზარალდა. მიმდინარე სეზონში კი მან ძველებურად თამაში განაგრძო და "ბარსელონამ" ტიტულების მოგება დაიწყო. როგორც პიროვნება, ის გამოცანაა, მაგრამ თავისი კარიერის განმავლობაში მესიმ იმედგაცრუების დაძლევა მოახერხა."