ნეიმარი კიელინის პასუხობს: "მესი იტალიასა და ინგლისშიც გაიტანდა"

"ბარსელონას" ბრაზილიელი ვარსკვლავი ნეიმარი ჩემპიონთა ლიგის ფინალში "იუვენტუსთან" შეხვედრის წინ თავისი ბავშვობის ოცნებაზე საუბრობს და კიელინის განცხადებას ეხმაურება.

შეგახსენებთ, რამდენიმე დღის წინ, კიელინიმ განაცხადა, რომ მესის იტალიაში არ გაატანინებდნენ ისეთ გოლს, როგორიც მან "ბილბაოს" გაუტანა.

"ჩემპიონთა ლიგის ფინალში თამაში ჩემი ბავშვობის ოცნებაა. მის აღსრულებასთან ძალიან ახლოს ვარ. იმედი მაქვს, კარგად ვითამაშებ და მოვიგებთ.

კიელინის განცხადება? მესი მესია. ის იტანს ესპანეთში და იტალიასა და ინგლისშიც გაიტანდა."