"ვესტ ჰემს" სონგის გამოსყიდვა უნდა

"ბარსელონას" 27 წლის კამერუნელი ნახევარმცველი ალექს სონგი კარიერას ინგლისურ "ვესტ ჰემში" განაგრძობს. ამ ინფორმაციას Goal ავრცელებს.

სონგმა, რომელიც "ბარსელონას" საკუთრებაა, გასული სეზონი "ვესტ ჰემში" არენდით გაატარა. კამერუნელმა ნახევარმცველმა, ლონდონელთა მაისურით 31 მატჩი ჩაატარა.

გავრცელებული ინფორმაციით, ინგლისური გუნდი სონგის გამოსყიდვას შეეცდება. "ჩაქუჩებმა" ფეხბურთელს 3-წლიანი კონტრაქტი უკვე შესთავაზეს. ცნობილია, რომ "ბარსელონა" სონგში 8 მილიონ ევროს ითხოვს.