"სელტა"-"ბარსელონა" - ლუის ენრიკე მატჩის შემდეგ

"ბარსელონას" მთავარი მწვრთნელი ლუის ენრიკე ესპანეთის ჩემპიონატის მე-5 ტურის თამაშში "სელტასთან" წაგების შემდეგ კომენტარს აკეთებს და თავის ყოფილ გუნდს მოგებას ულოცავს.

"სელტას" ვულოცავთ, მათ სრულყოფილი თამაში ჩაატარეს.

ვფიქრობ, საკმარისად ინტენსიურად არ ვმოქმედებდით. 6-7 მომენტი ისევ გვქონდა, თუმცა არაეფექტურად ვთამაშობდით.

ინდივიდუალურ დაპირისპირებებში ბევრჯერ დავმარცხდით. პირველი გოლი ნოლიტომ ცხრიანში გაგზავნა, მეორე - ჩვენი შეცდომა იყო.

ეს შედეგი უნდა დაგვეხმაროს იმის დანახვაში, რომ ეს სეზონი რთული იქნება. ახლა განვითარებაზე უნდა ვიფიქროთ.

ალტერნატივები მაქვს, უყურადღებოდ არაფერს ვტოვებ. ეს ჩემი გუნდია და მოხარული ვარ მისით".