ლუის ენრიკე: "ფავორიტობაზე ფიქრი შეცდომა იქნება"

"ბარსელონას" მთავარი მწვრთნელი ლუის ენრიკე, "ატლეტიკოსთან" თასზე გასამართი მატჩის წინ, კომენტარს აკეთებს და აცხადებს, რომ კატალონიელმა ფეხბურთელმა თავი ფავორიტებად არ უნდა ჩათვალონ.

"დიდი შეცდომა იქნება იმაზე ფიქრი, რომ ფავორიტები ვართ. პირველი თამაშის შედეგის მიუხედავად, განმეორებით მატჩში მოგება გვინდა. ვფიქრობ, თუ სწრაფ გოლს გავიტანთ, ეს შეხვედრის მიმდინარეობას შეცვლის. მთელი თამაშის განმავლობაში მეტოქის პრესინგს უნდა გავუძლოთ. მადრიდელებს სტანდარტების გამოყენების საშუალება არ უნდა მივცეთ."