პრიმერაში საუკეთესოები დღეს გამოვლინდებიან

ესპანეთის ჩემპიონატის 2014/15 წლის გათამაშების ინდივიდუალური ჯილდოების მფლობელები ამაღამ, თბილისის დროით პირველ საათზე გასამართ გალა-წარმოდგენაზე გამოვლინდებიან.

სულ, 9 კატეგორიაში 14 პრიზი გათამაშდება - 9 პრიმერას წარმომადგენლებს შეხვდებათ, ხოლო 5 სეგუნდა დივიზიონის წარმომადგენლებს.

ამაღამ დასახელდებიან პრიმერას საუკეთესო ფეხბურთელი და მწვრთნელი, რომლებიც ლა ლიგის გუნდების 3-3 კაპიტნის მიერ ხმის მიცემის შედეგად გამოვლინდებიან. ასევე დაჯილდოვდებიან საუკეთესო მეკარე, მცველი, ნახევარმცველი, თავდამსხმელი, ამერიკელი ფეხბურთელი, აფრიკელი ფეხბურთელი და გულშემატკივართა რჩეული.

საუკეთესო ამერიკელი და საუკეთესო აფრიკელი ფეხბურთელი ლა ლიგის ოფიცალურ საიტზე გამართული გამოკითხვის შედეგად გამოვლინდებიან. ფანების რჩეულს კი გულშემატკივრები საიტ Mahou.es-ის საშუალებით გამოავლენენ.

დაჯილდოებას, რომელიც თბილისის დროით ღამის პირველ სათზე დაიწყება, ჩვენი საიტი პირდაპირ ეთერში შემოგთავაზებთ.