საკლუბო მუნდიალზე "ბარსას" პირველი მეტოქე "გუანჩჟოუ" იქნება

რამდენიმე წუთის წინ დასრულდა მსოფლიოს საკლუბო ჩემპიონატის 1/4-ფინალური შეხვედრა, რომელშიც "ბარსელონას" მეტოქე გაირკვა. ჩინურმა "გუანჩჟოუ ევერგრანდემ" მექსიკური "ამერიკა" 2:1 დაამარცხა და 1/2-ფინალში "ბარსელონასთან" თამაშის უფლება მოიპოვა.

ოსაკაში  გამართულ მატჩში პერალტამ მექსიკელები დააწინაურა, მაგრამ მე-80 წუთზე ლონგმა ანგარიში გაათანაბრა, ხოლო მე-3 დამატებულ წუთზე პაულინიომ გამარჯვების გოლი გაიტანა.

"ბარსელონასა" და "გუანჩჟოუს" შეხვედრა 17 დეკემბერს, თბილისის დროით 14 საათსა და 30 წუთზე გაიმართება.