ლუის ენრიკე: "თერთმეტმეტრიანი და წითელი ბარათი ზედმეტად მკაცრი სასჯელია"
"ბარსელონას" მთავარმა მწვრთნელმა, ლუის ენრიკემ, ესპანეთის ჩემპიონატის მე-20 ტურში "ბილბაოსთან" გამართული შეხვედრის (6:0) შემდეგ ჟურნალისტების შეკითხვებს უპასუხა.
"მესის სამედიცინო შემოწმება ხვალ ჩაუტარდება, თუმცა საშიში არაფერია. უბრალოდ, თავი დავიზღვიეთ.
ითამაშებს თუ არა სუარესი "ბილბაოსთან"? აპელაციის შედეგს ველოდებით...
თერთმეტმეტრიანი და წითელი ბარათი ზედმეტად მკაცრი სასჯელია, მაგრამ ამას წესები ითვალისწინებს. თუ წესს შეცვლიან, ამ ცვლილებას მხარს დავუჭერ.
რატომ არ ითამშა ალვესმა? უბრალო როტაციაა. სეზონის ბოლოსთვის საუკეთესო კონდიციებში უნდა ვიყოთ.
ალბას დეტალური შემოწმება ხვალ ჩაუტარდება. ვნახავთ, საქმე უბრალოდ კუნთის დაჭიმვასთან გვაქვს, თუ უფრო სერიოზული ტრავმაა.
"სან მამესზე" გასამართი სათასო დაპირისპირება დღევანდელი მატჩის მსგავსი არ იქნება.
თამაში თერთმეტმეტრიანის შემდეგ შეიცვალა. ამ ეპიზოდის შემდეგ თამაში გაგვიადვილდა.
დღევანდელი დაპირისპირება თასზე გასამართი მატჩის წინ ფეხბურთელებისთვის მითითებების მისაცემად არ გამოდგება, რადგან მოედანზე ერთი კაცით მეტით ყოფნა დიდი უპირატესობაა.
შეგიძლიათ ნახოთ, როგორი ტემპით თამაშობდა "ბილბაო" პირველი მომენტის დროს. ვალვერდეს გუნდის წინააღმდეგ იოლი თამაში არ არსებობს. ამას "სან მამესზე" ვნახავთ."
ამ სიახლეზე კომენტარები გათიშულია.
კომენტარები [ 45 ]