MD: ალვესს ჩინეთში თამაშს სთავაზობენ

თუ El Mundo Deportivo-ს დავუჯერებთ, ალვესს ჩინელები ჩინეთის სუპერ ლიგის კლუბში ეპატიჟებიან.

როგორც ირკვევა, ჩინელები მას 3 წლიან კონტრაქტს სთავაზობენ და, ამავე დროს, წელიწადში 12 მილიონ ევროს. გამოდის, რომ ის, თუ ჩინეთში გადავა, 36 მილიონს გამოიმუშავებს.

მათ ვადა 26 თებერვლამდე აქვთ, რადგან ამ დრომდე გრძელდება ჩინეთში სატრანსფერო ფანჯარა.

აქვე გეტყვით, რომ ამ ზამთარში ჩინეთში არაერთი კარგი ფეხბურთელი გადავიდა, მათ შორის, ჯექსონ მარტინესი ("ატლეტიკო") და რამირესი ("ჩელსი").