"ვალენსია" - "ბარსელონა": ფეხბურთელთა შეფასებები sport-ის მიხედვით

გთავაზობთ ფეხბურთელთა შეფასებებს "ვალენსიასთან" ფრედ დამთავრებულ მატჩში sport-ის ვერსიით. მაქსიმალური შეფასება - 10.

ტერ შტეგენი - 6

ნამდვილად არ იქნება ლუის ენრიკე ტერ შტეგენის ფეხით თამაშით კმაყოფილი. შეგვიძლია, ვთქვათ, რომ ნეგრედოს გოლში გარკვეული ბრალიც მიუძღვის. კარგი "სეივი" გააკეთა, როცა მან დანილოს ჯარიმა აიღო.

ვიდალი - 6

კარგად ითამაშა. გუშინდელ დაპირისპირებაში ჰქონდა კარგი მომენტებიც. იყო ამბიციური შეტევაში, მაგრამ სიზუსტე აკლდა.

ბარტრა - 5

მისი მთავარი მისია ნეგრედოს დევნა იყო, რასაც ასე თუ ისე გაართვა თავი. თამაში დაასრულა კაპიტნის რანგში.

ვერმალენი - 7

დაცვაში კარგად ითამაშა. არ კარგავდა ბურთს სახიფათო სიტუაციებში და ბევრჯერ არ დაჯარიმებულა. საჰაერო ორთაბრძოლებში კარგად გამოიყურებოდა.

მატიე - 3

დიდი ვერაფერი გააკეთა. დაუშვა შეცდომები, თუმცა მან გუნდის გადარჩენაც მოახერხა, თავისი გუნდი აშკარა გაშვებულ გოლს იხსნა ჩაწოდების შემდეგ.

ადრიანო - 5

ამ თამაშში გუნდის კაპიტანი მარცხნივ თამაშობდა. არ იყო ცუდი, მაგრამ არც კარგი. საბოლოოდ, დუგალსმა შეცვალა.

სამპერი - 5

პირველ ტაიმში ის იმ სივრცეებს ავსებდა, რომელშიც არავინ იყო. განსაკუთებული არაფერი გაუკეთებია, მეორე ტაიმში ცოტა მოუმატა.

სერხი რობერტო - 6

თამაში კარგად დაიწყო, ავსებდა ნახევარდაცვას. ჰქონდა ცოტა შეცდომა.

რაკიტიჩი - 6

ცდილობდა ყოფილიყო გამორჩეული მოედანზე. მეორე ტაიმში კარგი მომენტი ჰქონდა, მაგრამ დომენეკმა მას დარტყმა აუღო.

სანდრო - 4

ცუდი თამაში, მოედანზე თითქოს შეუმჩნეველი იყო. ბევრი სარგებელი ვერ მოუტანა გუნდს შეტევაში.

მუნირი - 6

ცდილობდა ხიფათის შექმნას, მაგრამ თამაში მაინც ცუდი იყო. ხელი შეუშალა ბარტრას გოლის გატანაში.

შეცვლები

დუგლასი - 5

კამარა - 7

კაპტუმი - 7