ლიონელ მესიმ „კამპ ნოუზე“ მორიგი შოუ შემოგვთავაზა !

დასრულდა ლა ლიგის XXIII-ე ტურის შეხვედრა "კამპ ნოუზე", სადაც "ბარსელონამ" "სელტა" მიიღო და (6:1) გაანადგურა. 

შეხვედრა საკმაოდ შთამბეჭდავი გამოდგა, გოლები მესიმ, სუარესმა (3), ნეიმარმა და რაკიტიჩმა გაიტანეს. აღსანიშნავია, რომ მესის გოლი, რომელიც მან ულამაზესი საჯარიმო დარტყმის წყალობით გაიტანა, ფეხბურთელისთვის 250-ე იყო "კამპ ნოუზე". არგენტინელ ვარსკვლავს ესპანეთის ჩემპიონატზე 299 გოლი დაუგროვდა. 

საინტერესო მომენტი დაფიქსირდა შეხვედრის მეორე ნახევარში, როდესაც "სელტას" კართან თერთმეტმეტრიანი დაინიშნა, დასარტყმელად მისულმა ლიონელ მესიმ დარტყმის ნაცვლად პასი გააკეთა, რომელსაც ლუის სუარესი გამოეხმაურა და აქტივში მორიგი ჰეთ-ტრიკი ჩაიწერა. 

[media=https://www.youtube.com/watch?v=FnnmyYJrNpU]