პიკე: "თავს ვდებ, რომ ნეიმარი "რეალში" არასდროს გადავა"

ესპანელი ცენტრალური მცველი დარწმუნებულია, რომ მისი ბრაზილიელი თანაგუნდელი "სამეფო კლუბის" ღირსებას არასდროს დაიცავს.

მოგეხსენებათ, მცირე ხნის წინ გავრცელდა ინფორმაცია, ნეიმარის მადრიდის "რეალში" შესაძლო გადასვლასთან დაკავშირებით. აგრეთვე, იწერებოდა, რომ დედაქალაქელები მზად არიან, 24 წლის თავდამსხმელისთვის დაახლოებით 190 მილიონი ევრო გაიმეტონ.

"თავს ვდებ, რომ ნეიმარი "რეალში" არასდროს გადავა. მას "ბარსელონა" უყვარს. ვფიქრობ, ის ჩვენი გუნდის შემადგენლობაში კიდევ მრავალი წლის განმავლობაში იასპარეზებს", - აცხადებს ჟერარ პიკე.

"რაც შეეხება ჩემს მომავალს, მინდა, საკუთარი თავი სხვა ქვეყნის შიდა ჩემპიონატშიც გამოვცადო".

"გვარდიოლა? "მანჩესტერ იუნაიტედის" მიმართ ჩემი სიყვარული ისევ საკმაოდ ძლიერია. მის გარდა, სხვა ინგლისურ გუნდში საკუთარ თავს ვერ ვხედავ", - დაასრულა 29 წლის მცველმა.