რაკიტიჩის ტრავმა სერიოზული არ აღმოჩნდა
27 წლის ფეხბურთელს თავისი გუნდის დახმარება უკვე მომდევნო შეხვედრაშიც შეეძლება.
მოგეხსენებათ, ესპანეთის ჩემპიონატის 27-ე ტურში, "რაიო ვალიეკანოსთან" გამართული მატჩის პირველ ნახევარში, დიეგო ლორენტემ ივან რაკიტიჩის წინააღმდეგ თამაშის წესი უხეშად დაარღვია, რის გამოც არბიტრმა ის მოედნიდან გააძევა. მიუხედავად ამისა, ხორვატმა თამაში მაინც გააგრძელა, სანამ ლუის ენრიკე 65-ე წუთზე შეცვლიდა.
მეტოქესთან შეჯახების შედეგად, ნახევარმცველს მცირე სისხლჩაქცევა აღენიშნებოდა, ამიტომაც, პარასკევს სრული დატვირთვით არ უვარჯიშია, ტრავმის გართულებისგან თავის არიდების მიზნით.
რაკიტიჩს დღეს ბურთთან შეხება არ ჰქონია და მხოლოდ სარბენი დავალებები შეასრულა. მოსალოდნელია, რომ ლა ლიგის მომოდევნო ტურში, სადაც "ბარსელონა" სტუმრად "ეიბარს" დაუპირისპირდება, ხორვატი თავისი გუნდის დახმარებას შეძლებს.
ამ სიახლეზე კომენტარები გათიშულია.
კომენტარები [ 15 ]