ლუის ენრიკე: "უნიკალურები ვართ"

"ბარსელონას" მთავარი მწვრთნელი ლუის ენრიკე ჩემპიონთა ლიგის 1/8-ფინალში "არსენალთან" განმეორებითი მატჩისა (3:1) და მომდევნო ეტაპზე გასვლის შემდეგ კომენტარს აკეთებს. მწვრთნელის თქმით, ის შედეგით კმაყოფილია.

"პირველი ტაიმის 10-15 წუთი კარგად არ გამოვიყურებოდით. ასეთი დონის მატჩებში ყველაფერი ხდება. "არსენალზე" პრესინგს ვაწარმოებდით, რადგან შესანიშნავად ვიცოდით, რომ მათ მოგება სჭირდებოდათ. მადლობა გულშემატკივრებს მხარდაჭერისთვის. ისინი მთელი მატჩი ჩვენ გვერდით იყვნენ.

1/4-ფინალში ზედიზედ 9-ჯერ გავედით. ეს უნიკალური მიღწევაა. არ ვფიქრობ, რომ არსებობს სხვა გუნდი, რომელიც 10 სეზონში 1/4-ფინალში 9-ჯერ გასულა.

წილისყრის ნებისმიერი შედეგით კმაყოფილი ვიქნები. ერთადერთი გუნდი, რომელთანაც შეხვედრას არ ვისურვებდი, "ბარსელონაა". საბედნიეროდ, ჩვენი მეტოქე ჩვენ ვერ ვიქნებით.

მოხარული ვარ პეპ გვარდიოლათი, რომლის "ბაიერნმაც" მოიგო. ის იმსახურებს წარმატებას, რადგან მისი გუნდი არადროს ნებდება. დარწმუნებული ვარ, "ბაიერნის" "იუვენტუსთან" მოგების მთავარი ნაწილი პეპი იყო. "ბაიერნი" და "იუვენტუსი" ჩემპიონთა ლიგის მოგების კანდიდატები იყვნენ. ერთ-ერთ ჩვენი კონკურენტი ბრძოლას გამოეთიშა, რაც ძალიან კარგია.

მესი, ნეიმარი და სუარესი ძალიან კარგად ქმნიან მომენტებს. მათ უკან მთელი გუნდია. მათ მომენტებს დანარჩენი ფეხბურთელებიც უქმნიან. ისინი დაცვაშიც გვეხმარებიან, ეს კი მნიშვნელოვანია ნებისმიერი გუნდისთვის და ნებისმიერ ჩემპიონატში. ჩვენს გუნდში ისინი უყვართ, მათ კი ჩვენი გუნდი უყვართ. ბედნიერები ვართ, რომ ასეთი თავდამსხმელები გვყვავს.

აშკარაა, უნიკალური ფეხბურთელები გვყვავს. ისინი მოედანზე ერთად ქმნიან წარმოუდგენეl რაღაცებს. თითოეული მათგანი ძლიერია ინდვიდუალურად, მაგრამ ყველა გუნდისთვის თამაშობს. ამაშია წარმატების მთავარი საიდუმლოც".