"ბარსას" ფანებს ჩემპიონთა ლიგის 1/4-ფინალში "რეალი" უნდათ

"ბარსელონას" გულშემატკივრები იმდენად არიან თავიანთი გუნდის სიძლიერეში დარწმუნებულები, რომ მათ ჩემპიონთა ლიგაზე არც ერთი მეტოქე არ აშინებთ. ამის თქმის საშუალებას ესპანური Sport-ის მიერ ჩატარებული გამოკითხვა გვაძლევს.

კატალონიური კლუბის ფანებს პასუხი უნდა დაეფიქსირებინათ შეკითხვაზე, რომელი გუნდი სურთ "ბარსელონას" მეტოქედ ჩემპიონთა ლიგის 1/4-ფინალში. გამოკითხვის შედეგების თანახმად, გულშემატკივრების უმრავლესობა მადრიდის "რეალთან" შეხვედრას ამჯობინებს.

აღსანიშნავია, რომ ამჟამად, ბევრი სპეციალისტი "ბარსელონას" ჩემპიონთა ლიგის მოგების მთავარ ფავორიტად მიიჩნევს.

აქვე გეტყვით, რომ ჩემპიონთა ლიგის 1/4-ფინალის წილისყრა დღეს თბილისის დროით 15:00 საათზე დაიწყება.